काठमाडौं । नेपालमा जिली EX5 MAX/PRO र HE विद्युतीय गाडीको आधिकारिक आयातकर्ता एलआरआर मोटर्सले क्रिसमस र अंग्रेजी नयाँ वर्ष २०२६ को अवसरमा ‘EX5cellent Bonanza’ नामक विशेष बिक्री योजना सार्वजनिक गरेको छ।

यो सीमित अवधिको सेल्स अफर अन्तर्गत डिसेम्बर २५, २०२५ देखि जनवरी ७, २०२६ सम्म जिली EX5 MAX र PRO बुकिङ गर्ने ग्राहकहरूले रु. २ लाखसम्मको प्रत्यक्ष नगद छुट, रुपाकोट रिसोर्टमा दुई जनाका लागि २ दिन/१ रातको निःशुल्क बसोबास, निःशुल्क एक्सेसरी र चार्जर, एक वर्षको रोड ट्याक्स तथा कम्प्रिहेन्सिभ इन्स्योरेन्स जस्ता लाभहरू पाउनेछन्।

कम्पनीले ग्राहक सुविधालाई अझ सुधार गर्न आफ्नो शोरूमबाट प्रयोगमा रहेका सवारीसाधनहरूको अन–द–स्पट मूल्यांकन सुविधा पनि उपलब्ध गराउनेछ। साथै, टेस्ट ड्राइभ गर्ने ग्राहकहरूले आकर्षक गिफ्ट ह्याम्पर प्राप्त गर्नेछन्।

एलआरआर मोटर्सका बिक्री प्रमुख अधिर श्रेष्ठले भने, “हामी क्रिसमस र नयाँ वर्षको अवसरमा हाम्रा ग्राहकहरूसँग अझ नजिकबाट जोडिन चाहन्छौं। यस सीमित अफरमार्फत प्रत्यक्ष नगद लाभ, स्वामित्व लागत सहयोग र अनुभवजन्य पुरस्कारमार्फत अर्थपूर्ण मूल्य थपिरहेका छौं। हामी दिगो र सहज विद्युतीय यातायातलाई प्रवर्द्धन गर्न प्रतिबद्ध छौं।”

जिली EX5 र HE दुवैले अत्याधुनिक प्रविधि, सुरक्षा र इन्टेलिजेन्ट फिचरहरू प्रदान गर्दै नेपालमा प्रिमियम विद्युतीय मोबिलिटीको मागलाई सम्बोधन गर्नेछन्।