काठमाडौँ । शैक्षिक परामर्श क्षेत्रमा आफ्नो अलग्गै पहिचान बनाउन सफल शैक्षिक संस्था ‘राइट पाथ करिअर काउन्सेलिङ’ले आफ्नो स्थापनाको ९औं वार्षिकोत्सव भव्य रुपमा मनाएको छ । वैदेशिक अध्ययनमा जान चाहने विद्यार्थीहरुलाई परामर्श दिने क्रममा विभिन्न चुनौतिहरूलाई छिचोल्दै निरन्तरको प्रयासबाट ९औं वार्षिकोत्सव मनाउन सफल भएको राइट पाथ करिअरले जनाएको छ ।

९ वर्षे यात्रामा साथ दिने र सहकार्य गर्ने सबैप्रति आभार प्रकट गर्दै राइट पाथका संस्थापक एवं सीईओ फिलिप डिसीले वार्षिकोत्सवको अवसरमा यहाँसम्म आइपुग्न अहम् भुमिका खेल्ने विद्यार्थी, अभिभावक, कर्मचारी, शुभेच्छुक र सरोकारवाला तथा साझेदार सबैलाई धन्यवाद दिएका छन् ।

‘संस्था स्थापनाको यस अवसरमा अझ बढी जिम्मेवारी थपिएको महसुस भएको छ,’ उनले भने, ‘विद्यार्थी तथा अभिभावको विश्वास नै सबैभन्दा ठूलो कमाई हो ।’ डिसीले आगामी दिनमा अझै परिस्कृत, गुणस्तरीय र प्रविधिमैत्री सेवा प्रवाह गर्दै विद्यार्थी एवं अभिभावकलाई सही परामर्श र सुरक्षित भविष्यको लागि विश्वव्यापी अवसर सिर्जना गर्ने प्रतिवद्धता व्यक्त गरे ।

राइट पाथले हालसम्म हजारौं विद्यार्थीहरूलाई सुरक्षित भविष्यको लागि सही परामर्श दिंदै वेलायत (यूके) अष्ट्रेलिया, अमेरिका, क्यानडा, युरोप लगायतका देशहरूमा अध्ययनका लागि मार्गदर्शन गरिसकेको छ ।

काठमाडौंको पुतलीसडकमा मुख्य कार्यालय रहेको राइट पाथले विद्यार्थीहरुलाई समग्र करियर निर्माणमा सही सूचना, जिम्मेवार मार्गदर्शन र शैक्षिक परामर्श प्रदान गरी सफल भविष्यको मार्ग प्रशस्त गर्न भूमिका खेल्दै आएको छ ।