काठमाडौं। एनआईसी एशिया बैंक र सूर्यज्योति लाइफ इन्स्योरेन्स कम्पनीबीच रणनीतिक साझेदारीको समझदारी भएको छ। सम्झौताअनुसार सूर्यज्योति लाइफका बीमित तथा बीमा अभिकर्ताहरूलाई बैंकले लाइफटाइम निःशुल्क क्रेडिट कार्ड सेवा उपलब्ध गराउने भएको छ।

काठमाडौंमा आयोजित कार्यक्रममा एनआईसी एशिया बैंकका प्रमुख कार्यकारी अधिकृत सुजित कुमार शाक्य र सूर्यज्योति लाइफ इन्स्योरेन्स कम्पनीका प्रमुख कार्यकारी अधिकृत प्रकाश विक्रम खत्रीले समझदारीपत्रमा हस्ताक्षर गरेका हुन्।

सम्झौताबाट सूर्यज्योति लाइफका बीमित तथा अभिकर्ताहरूले वार्षिक शुल्क नतिरी क्रेडिट कार्ड प्राप्त गर्ने अवसर पाउनेछन्। यसले आकस्मिक वित्तीय आवश्यकता व्यवस्थापन गर्न तथा डिजिटल भुक्तानी सुविधाहरू उपयोग गर्न सहज बनाउने बैंकले जनाएको छ।

ग्राहकलाई परिष्कृत र सुलभ बैंकिङ सेवा प्रदान गर्ने उद्देश्यले गरिएको यस सहकार्यले बीमित तथा अभिकर्ताहरूलाई डिजिटल अर्थतन्त्रमा जोड्न थप सहयोग पुग्ने विश्वास बैंकले व्यक्त गरेको छ।