काठमाडौं । भारतको उत्तर प्रदेशस्थित हापुर जिल्लामा महिन्द्राको हालै लन्च गरिएको विद्युतीय कार बीई६ गुडिरहेको अवस्थामा आगलागी भएको छ। आइतबार भएको उक्त घटनाको भिडियो सामाजिक सञ्जालमा अहिले भाइरल भइरहेको छ।

घटनापछि सर्ट सर्किटका कारण आगो लागेको अनुमान गरिएको भए पनि महिन्द्राले भने आगलागीको कारण ब्याट्री नभएको दाबी गरेको छ। कम्पनीका अनुसार, गाडीको सेन्सर र सफ्टवेयर डायग्नोस्टिक डेट तथा प्रारम्भिक परीक्षणले आगलागी ईभी ब्याट्रीसँग सम्बन्धित नभएको पुष्टि गरेको छ।

महिन्द्राले गाडीको टायर अत्यधिक तातो भएको अलर्ट सिस्टममा देखिएको र सिस्टमले स्वचालित रूपमा गति घटाएको जनाएको छ। गाडीको गति घटेपछि चालक र यात्रु सुरक्षित रूपमा बाहिर निस्किएको र कुनै मानवीय क्षति नभएको कम्पनीले जनाएको छ।