काठमाडौं। नेपाल बीमा प्राधिकरणका अध्यक्ष चन्द्रकला पौडेलले आज औपचारिक रूपमा प्राधिकरणको अध्यक्षको पदभार ग्रहण गर्नुभएको छ।

यसअघि अर्थमन्त्री रामेश्वरप्रसाद खनालले अध्यक्ष पौडेललाई पद तथा गोपनीयताको शपथ गराउनुभएको थियो।

नेपाल सरकार, मन्त्रिपरिषद्को माघ १२ गते बसेको बैठकले अर्को व्यवस्था नभएसम्मका लागि संघीय मामिला तथा सामान्य प्रशासन मन्त्रालयका सचिव चन्द्रकला पौडेललाई नेपाल बीमा प्राधिकरणको अध्यक्षको कार्यभार सम्हाल्ने जिम्मेवारी दिने निर्णय गरेको थियो।

पदभार ग्रहण समारोहमा प्राधिकरणका कार्यकारी निर्देशक सुशील देव सुवेदी, निर्देशकहरू तथा कर्मचारीहरूले अध्यक्ष पौडेललाई स्वागत गरेका थिए।