काठमाडौं। केटीएमले आफ्नो लोकप्रिय एड्भेन्चर मोटरसाइकल ३९० एड्भेन्चरको नयाँ संस्करण “390 Adventure R” सार्वजनिक गरेको छ। नयाँ एड्भेन्चर आरको मूल्य भारतीय बजारमा ३ लाख ७८ हजार भारतीय रुपैयाँ निर्धारण गरिएको छ।

नयाँ संस्करणमा स्ट्यान्डर्ड ३९० एड्भेन्चरको तुलनामा लामो सस्पेन्सन ट्राभल र फरक ह्विल साइज प्रयोग गरिएको छ। बाइकमा अगाडि र पछाडि दुवै तर्फ २३० मिलिमिटर सस्पेन्सन ट्राभल दिइएको छ, जबकि स्ट्यान्डर्ड संस्करणमा फ्रन्ट २०० मिलिमिटर र रियर २०५ मिलिमिटर सस्पेन्सन ट्राभल रहेको छ। यो सस्पेन्सन सेटअप केटीएमको ३९० इन्ड्युरो मोडलबाट लिइएको हो।

अफ–रोड राइडिङमा ध्यान केन्द्रित गर्दै बाइकमा मिटास एन्डुरो ट्रेल ट्युब्ड टायर तथा अगाडि २१ इन्च र पछाडि १८ इन्चको क्रस–स्पोक ह्विल दिइएको छ।

फिचरका रूपमा बाइकमा राइड–बाइ–वायर थ्रोटल, स्विचेबल एबीएस, अफ–रोड मोड, र्याली–प्रेरित बडीवर्क, द्वि–दिशात्मक क्विक शिफ्टर, अपराइट राइडिङ स्ट्यान्स र १४ लिटर इन्धन ट्याङ्की समावेश गरिएको छ।

इन्जिनको कुरा गर्दा, ३९० एड्भेन्चर आरमा ३९९ सीसी सिंगल–सिलिन्डर लिक्विड–कुल्ड पेट्रोल इन्जिन जडान गरिएको छ, जसले ४५ बीएचपी पावर र ३९ एनएम टर्क उत्पादन गर्छ। इन्जिन ६–स्पीड गियरबक्ससँग जोडिएको छ।