काठमाडौं । पेट्रोलियम पदार्थको मूल्य वृद्धि भएको छ । नेपाल आयल निगमले आइतबारदेखि लागू हुने गरी डिजेल र मट्टितेलको मूल्य बढाएको हो ।

निगमका अनुसार डिजेल र मट्टितेलको मूल्य प्रतिलिटर तीन रुपैयाँले बढाइएको छ भने पेट्रोल र खाना पकाउने एलपी ग्यासको मूल्य यथावत् राखिएको छ ।

नेपाल आयल निगमले जारी गरेको विज्ञप्तिमा इन्डियन आयल कर्पोरेसनबाट २०८२ माघ १७ गते (३१ जनवरी २०२६) प्राप्त नयाँ खरिद मूल्यका आधारमा समायोजन गरिएको उल्लेख छ । नयाँ खरिद मूल्यअनुसार पेट्रोल प्रतिलिटर १२ पैसा, डिजेल प्रतिलिटर ४ रुपैयाँ ६६ पैसा र एलपी ग्यास सिलिन्डरमा ४५ रुपैयाँ ४९ पैसा वृद्धि भएको छ । यस्तै, हवाई इन्धनको मूल्य भने प्रतिलिटर १०८ रुपैयाँले घटेर आएको निगमले जनाएको छ ।

खरिद मूल्यमा आएको परिवर्तनलाई ध्यानमा राख्दै उपभोक्तामाथि पर्ने भार न्यून गर्न आंशिक मूल्य समायोजन गरिएको निगमको भनाइ छ ।