काठमाडौँ । ‘बैंक पनि साथी पनि, राम्रो पनि हाम्रो पनि’ भन्ने नाराका साथ अघि बढिरहेको एनआईसी एशिया बैंकले आकर्षक कर्जा योजनाहरू अन्तर्गत प्रतिस्पर्धी ब्याजदरमा ‘गोल्ड लोन’ कर्जा योजना सार्वजनिक गरेको छ। बैंकले १ देखि ३ प्रतिशतसम्मको प्रिमियम सुविधा सहित सुन तथा सुनका गरगहना धितो राखी प्रवाह गरिने उक्त कर्जा योजना ल्याएको हो।

समयअनुसार ग्राहकहरूको आवश्यकता र मागलाई सम्बोधन गर्दै सार्वजनिक गरिएको यस योजनाअन्तर्गत ग्राहक महानुभावहरूले अधिकतम रु. ५० लाखसम्म कर्जा प्राप्त गर्न सक्नेछन्। औसत आधार दरमा १ देखि ३ प्रतिशतसम्मको प्रिमियम सुविधा सहित प्रतिस्पर्धी ब्याजदरमा सुनको बार (Gold Bar) तथा सुनका गरगहना धितो राखी बजार मूल्यको अधिकतम ७० देखि ८० प्रतिशतसम्म कर्जा सुविधा उपलब्ध गराइने बैंकले जनाएको छ।

यसैगरी, यस कर्जा योजनाअन्तर्गत गरगहना खरिदका लागि समेत कर्जा सुविधा उपलब्ध गराइएको छ। ग्राहक महानुभावहरूले तोकिएका विभिन्न शाखा कार्यालयहरूबाट उक्त कर्जा सेवा लिन सक्नेछन्।

ग्राहकहरूलाई सहज रूपमा कर्जा सेवा प्रदान गर्ने उद्देश्यले कर्जा सम्बन्धी सल्लाह, सुझाव, गुनासो तथा जिज्ञासाहरूको समयमै प्रभावकारी समाधान गर्न बैंकले एकद्वार प्रणालीअनुसार ‘कर्जा सहायता केन्द्र’ समेत स्थापना गरेको जानकारी बैंकले दिएको छ।