काठमाडौं । विश्वव्यापी रूपमा प्रतिष्ठित इलेक्ट्रोनिक्स ब्रान्ड टिसिएल (TCL) ले अत्याधुनिक S5K QLED Google TV शृङ्खला नेपाली बजारमा सार्वजनिक गरेको छ। ३२ इन्च र ४३ इन्च आकारमा उपलब्ध यस टिभीले उच्च-गुणस्तरको दृश्य, समृद्ध ध्वनि र स्मार्ट सुविधालाई एउटै प्लेटफर्ममा संयोजन गरेको कम्पनीले जनाएको छ।

QLED प्रविधिबाट जीवन्त र प्राकृतिक रंग प्रदान गर्ने यस टिभीमा HVA प्यानल प्रयोग गरिएको छ, जसले गहिरो कन्ट्रास्ट र १७८ डिग्रीभन्दा बढीको व्यापक दृश्यकोण उपलब्ध गराउँछ। HDR10 र HLG सपोर्टका कारण दृश्य अनुभव अझ यथार्थपरक हुने बताइएको छ।

टिसिएल S5K QLED Google TV विशेषगरी प्रिमियम मनोरञ्जन खोज्ने युवा पुस्ता, डिजिटल सामग्री तथा चलचित्र रुचाउने परिवार र स्मूद गेमिङ अनुभव चाहने गेमरहरूलाई लक्षित गरी डिजाइन गरिएको हो। डल्बी अडियो सपोर्टसहितको २.० च्यानल स्पिकर सिस्टमले थिएटर–स्तरको ध्वनि अनुभव प्रदान गर्ने कम्पनीको दाबी छ।

यस टिभीमा गुगल टिभी प्लेटफर्म समावेश गरिएको छ, जसअन्तर्गत गुगल असिस्टेन्टमार्फत भ्वाइस कन्ट्रोल, हजारौं एप्समा पहुँच तथा गेम मोड सुविधा उपलब्ध छ। साथै, बेजल–लेस मेटालिक डिजाइनले आधुनिक घरको सजावटसँग सहजै मेल खाने बताइएको छ।

कनेक्टिभिटीका लागि वाइ–फाइ ४ (२.४G र ५G), ब्लुटुथ ५.०, दुईवटा HDMI पोर्ट तथा USB २.० उपलब्ध छन्। CA55x4 @1.1GHz प्रोसेसर, 1GB RAM र 8GB इन्टरनल स्टोरेजले द्रुत र सहज प्रदर्शन सुनिश्चित गर्ने कम्पनीले जनाएको छ।

टिसिएल विश्वभर नवीनतम प्रविधि, गुणस्तर र मूल्यको संयोजनका लागि परिचित अग्रणी इलेक्ट्रोनिक्स ब्रान्ड हो। नेपालमा टिसिएलका उत्पादनहरूको अधिकृत वितरक CG Electronics रहेको छ, जसले देशभरको आफ्नो वितरण नेटवर्कमार्फत विश्वस्तरीय प्रविधि नेपाली उपभोक्तासम्म पुर्‍याउँदै आएको छ।