काठमाडौं । एनएलजी इन्स्योरेन्स कम्पनीको अध्यक्षमा बिमल प्रसाद वाग्ले मनोनित भएका छन्। गत पुस ३० गते सम्पन्न कम्पनीको वार्षिक साधारणसभाबाट सञ्चालकमा निर्वाचित भएका वाग्लेलाई सञ्चालक समितिको बैठकले अध्यक्ष पदमा चयन गरेको हो।

पूर्व सचिवसमेत रहेका वाग्लेले आज नेपाल बीमा प्राधिकरणकी अध्यक्ष चन्द्रकला पौडेलसमक्ष पद तथा गोपनीयताको शपथ ग्रहण गरेका छन्। शपथ ग्रहण कार्यक्रममा प्राधिकरणका कार्यकारी निर्देशक सुशिलदेव सुवेदी तथा कम्पनीका प्रमुख कार्यकारी अधिकृत (सीईओ) सुनिल बल्लभ पन्तको उपस्थिति रहेको थियो।