काठमाडौं। नेपाल पुनर्बीमा कम्पनी लिमिटेडको सञ्चालक समितिका अध्यक्ष अमृत लम्सालले पद तथा गोपनीयताको शपथ लिनुभएको छ।

नेपाल बीमा प्राधिकरणका अध्यक्ष चन्द्रकला पौडेलले प्राधिकरणको केन्द्रीय कार्यालय कुपण्डोलमा आयोजित कार्यक्रममा लम्साललाई शपथ गराउनुभएको हो।

नेपाल सरकारले भन्सार विभागका उपमहानिर्देशक रहनुभएका लम्साललाई अर्को व्यवस्था नभएसम्मका लागि नेपाल पुनर्बीमा कम्पनी लिमिटेडको सञ्चालक समितिको अध्यक्षमा नियुक्त गरेको हो।

शपथ ग्रहण कार्यक्रममा नेपाल बीमा प्राधिकरणका कार्यकारी निर्देशक सुशील देव सुवेदी, नेपाल पुनर्बीमा कम्पनी लिमिटेडका प्रमुख कार्यकारी अधिकृत तथा अन्य पदाधिकारीहरूको उपस्थिति रहेको थियो।