काठमाडौं । नेपाल बीमा प्राधिकरणको प्रवक्तामा निर्देशक पूजन ढुङ्गेल अधिकारी नियुक्त हुनुभएको छ।

प्राधिकरणको अनुसन्धान महाशाखाको प्रमुखको जिम्मेवारी सम्हाल्दै आउनुभएका निर्देशक ढुङ्गेललाई फागुन ५ गतेको निर्णयअनुसार प्रवक्ताको अतिरिक्त जिम्मेवारी तोकिएको हो।

सुशासन व्यवस्थापन तथा सञ्चालन ऐन, २०६४ बमोजिम उनलाई प्रवक्ताको जिम्मेवारी दिइएको जानकारी निर्देशक कुन्दन सापकोटाले दिनुभएको छ।