काठमाडौं । अप्पर लोहोरे खोला हाइड्रोपावर कम्पनी लिमिटेडले रु.१०० अंकित दरका ७६,४७,०६० कित्ता हकप्रद शेयर निष्काशन गर्न एनआईसी एशिया क्यापिटल लिमिटेडलाई निष्काशन तथा बिक्री प्रबन्धकको रूपमा नियुक्त गरेको छ।

कम्पनीले यसअघि रु.१०० अंकित दरका ५०,९८,०४० कित्ता शेयर जारी गरेको थियो। उक्त नियुक्ति सम्बन्धी दुई पक्षीय सम्झौतामा कम्पनीतर्फ प्रमुख कार्यकारी अधिकृत श्री सदिच्छा कार्की र एनआईसी एशियातर्फ प्रमुख कार्यकारी अधिकृत श्री रामेन्द्र रायमाझीले हस्ताक्षर गरेका छन्।

एनआईसी एशिया क्यापिटलले हालसम्म २० वटा कम्पनीको धितोपत्र निष्काशन र ४ वटा कम्पनीको हकप्रद शेयर निष्काशन कार्य सफलतापूर्वक सम्पन्न गरिसकेको छ। यसमार्फत कुल रु.१९ अर्ब ३४ करोडभन्दा बढी रकम संकलन गरिएको जानकारी पनि दिइएको छ।