काठमाडौं । दि निलय होटल्स लिमिटेड ले आईपीओ (प्रारम्भिक सार्वजनिक निष्काशन) जारी गर्ने प्रस्ताव सहित चैत १३ गते शुक्रबार धादिङको थाक्रे गाउँपालिका–८ स्थित आफ्नै कार्यालयमा बिहान ११ बजे पहिलो वार्षिक साधारणसभा बोलाएको छ।

साधारणसभाले कम्पनीको शेयर आईपीओ मार्फत जारी गर्ने, स्वतन्त्र सञ्चालक नियुक्ति अनुमोदन गर्ने, सञ्चालक समितिबाट भएका काम कारबाही अनुमोदन गर्ने र लगानी तथा स्रोत जुटाउन आवश्यक कार्य गर्न सञ्चालक समितिलाई अख्तियारी दिने निर्णय गर्नेछ।

त्यसैगरी गत आर्थिक वर्षको वार्षिक प्रतिवेदन, लेखापरीक्षकको प्रतिवेदन, असार मसान्तसम्मको वासलात, नाफा–नोक्सान हिसाब, नगद प्रवाह विवरण लगायतका वार्षिक वित्तीय विवरणहरू छलफल गरी पारित गर्नेछ। चालू आर्थिक वर्षका लागि लेखापरीक्षकको नियुक्ति गरी पारिश्रमिक निर्धारण गर्ने प्रक्रियासमेत साधारणसभामा हुने बताइएको छ।