काठमाडौँ । माउन्टेन ड्यु नेपालको “Peaks of Courage” अभियानले एसिया–प्रशान्त क्षेत्रको प्रतिष्ठित रचनात्मक अवार्ड समारोह स्पाइक्स एसिया (Spikes Asia) मा कुल ४ अवार्ड जितेको छ। यसमा १ ग्रान्ड प्रिक्स, १ सिल्भर र २ ब्रोन्ज अवार्ड प्राप्त भएको हो। नेपाली अभियानका लागि यो एक ऐतिहासिक पहिलो सफलता मानिन्छ।

यस अभियानले सगरमाथाभन्दा बाहिर रहेका नेपालका कम चर्चित हिमालहरू र त्यहाँका साहसिक कथाहरूलाई विश्वसामु प्रस्तुत गरेको थियो। उत्कृष्ट कथावाचन (Storytelling), डिजिटल संलग्नता र इमर्सिभ ब्रान्ड एक्सपिरियन्स (Immersive Brand Experience) को संयोजनमार्फत Peaks of Courage ले नेपालको हिमाली पहिचानलाई साहसी र जीवन्त रूपमा देखाएको थियो।

अभियानमा ‘लोकल एक्टिभेसन पार्टनर’ (Local Activation Partner) को रूपमा सहभागी डिजिटल ईन (Digitalin) ले महत्वपूर्ण भूमिका खेलेको थियो। डिजिटल ईनले अभियानको मूल भाव र दर्शकसँगको संलग्नता सुनिश्चित गर्दै, शेर्पा समुदायका दिग्गज व्यक्तित्वहरूसँग समन्वय गरेर अभियानलाई प्रमाणिक र भावनात्मक रूपमा सशक्त बनाएको थियो।

डिजिटल ईनका संस्थापक तथा कार्यकारी निर्देशक उमङ्ग शाक्यले भने:
“यो केवल हाम्रो अभियानको सफलता मात्र होइन, समग्र नेपाली रचनात्मक उद्योगका लागि गौरवको क्षण हो। स्पाइक्स एसियाजस्तो प्रतिष्ठित मञ्चमा नेपालको अभियानले यस्तो उच्च मान्यता पाउनु विज्ञापन जगतका लागि महत्वपूर्ण कोसेढुङ्गा हो। हामी सम्पूर्ण टिमले यस उपलब्धि मनाउँदैछौँ।”

यस सफलताले नेपाली विज्ञापन र रचनात्मक क्षेत्रमा नयाँ आयाम थपेको छ। साथै, स्थानीय संस्कृति र मौलिक पहिचानमा आधारित कथाहरूले विश्वस्तरमा सम्मान पाउन सक्ने क्षमता रहेको देखाएको छ।

प्राप्त अवार्डहरूको विवरण:

ग्रान्ड प्रिक्स (Grand Prix) – एक्टिभेसन (Activation)

सिल्भर (Silver) – इनोभेसन (Innovation)

ब्रोन्ज (Bronze) – क्रिएटिभ डेटा (Creative Data)

ब्रोन्ज (Bronze) – ब्रान्ड एक्सपिरियन्स (Brand Experience)