काठमाडौं । प्रभु बैंक लिमिटेड ले ‘ग्लोबल मनि विक–२०२६’ को अवसरमा देशका विभिन्न स्थानमा वित्तीय साक्षरता कार्यक्रम सञ्चालन गरेको छ।

‘स्मार्ट मनि ट्याक्स’ भन्ने नारासहित सुरु गरिएको उक्त कार्यक्रमअन्तर्गत बैंकको बौद्ध शाखाले होटल अनुत्तरा, बौद्धमा एक दिने वित्तीय साक्षरता कार्यक्रम आयोजना गरेको जनाएको छ। कार्यक्रममा सूक्ष्म, साना तथा मझौला उद्यम सञ्चालन गर्ने ४७ जना व्यवसायी सहभागी भएका थिए।

कार्यक्रममा सहभागीलाई वित्तीय सेवा लिँदा आवश्यक प्रक्रिया, कागजात तथा वित्तीय संस्थाबाट कर्जा प्राप्त गर्न आवश्यक योग्यता सम्बन्धी जानकारी प्रदान गरिएको बैंकले जनाएको छ। यसबाट व्यवसायीहरूलाई वित्तीय पहुँच र सहजता अभिवृद्धि हुने अपेक्षा गरिएको छ।

हाल प्रभु बैंकले देशभर ३१२ शाखा, २८५ एटीएम र ६८ एक्सटेन्सन काउन्टरमार्फत करिब ३६ लाखभन्दा बढी ग्राहकलाई बैंकिङ सेवा प्रदान गर्दै आएको छ। बैंकले ‘विश्वास लिन्छौं, विश्वास दिन्छौं’ भन्ने नारासहित सेवा विस्तार गर्दै आएको जनाएको छ।