काठमाडौं । नेपाल एसबीआई बैंक लिमिटेड ले चितवनस्थित इलाका प्रहरी कार्यालय टाँडी, रत्ननगर लाई विभिन्न अत्यावश्यक सामग्री सहयोगस्वरूप प्रदान गरेको छ।

बैंकले स्टिल दराज, अफिस टेबल, कुर्सी, कम्प्युटर, प्रिन्टर, वाटर प्युरिफायर, एसी, सिलिङ फ्यान तथा ल्यापटप लगायतका सामग्री हस्तान्तरण गरेको जनाएको छ। उक्त सामग्री बैंकका प्रमुख व्यवसाय प्रवर्द्धन अधिकृत प्रबिण मुनि बज्राचार्य ले जिल्ला प्रहरी परिसर चितवनका प्रहरी उपरीक्षक गोविन्द पूरी लाई एक कार्यक्रमका बीच औपचारिक रूपमा हस्तान्तरण गरेका थिए।

कार्यक्रममा प्रहरी अधिकृतहरू तथा बैंकका कर्मचारीहरूको समेत उपस्थिति रहेको थियो।

बैंकका अनुसार, यस सहयोगबाट पछिल्लो आन्दोलनका कारण क्षति पुगेको प्रहरी कार्यालयको सेवा प्रवाह सहज हुने अपेक्षा गरिएको छ।

नेपाल एसबीआई बैंक लिमिटेड ले विगत ३२ वर्षदेखि बैंकिङ सेवा प्रदान गर्दै आएको छ। हाल बैंकका देशभर १०२ शाखा, २२ एक्स्टेन्सन काउन्टर, ७ प्रादेशिक कार्यालय, २१ शाखारहित बैंकिङ सेवा, १२७ एटिएम तथा एक कर्पोरेट कार्यालय सञ्चालनमा रहेका छन्।