काठमाडौं । काठमाडौंस्थित Kathmandu Marriott Hotel मा Pearson PTE पार्टनरहरूको विशेष भेटघाट कार्यक्रम सम्पन्न भएको छ। कार्यक्रममा शिक्षा, अन्तर्राष्ट्रिय सहकार्य तथा विश्वव्यापी अवसरका विषयमा विस्तृत छलफल गरिएको थियो।

कार्यक्रमका प्रमुख वक्ता Rob Fenn ले शिक्षा प्रणालीको सुदृढीकरण, अन्तर्राष्ट्रिय नेटवर्क विस्तार र विद्यार्थी तथा पेशेवरहरूको भविष्य निर्माणमा साझेदारीको महत्वबारे आफ्ना विचार राख्नुभयो। उहाँले गुणस्तरीय शिक्षा र सहकार्यले विश्वस्तरमा प्रतिस्पर्धा गर्न सहयोग पुग्ने उल्लेख गर्नुभयो।

कार्यक्रममा अन्तर्राष्ट्रिय अध्ययन तथा करियरका क्रममा उत्पन्न हुन सक्ने जोखिम व्यवस्थापनका विषयमा पनि ध्यानाकर्षण गराइएको थियो। विशेषगरी विदेश जाने विद्यार्थीहरूका लागि स्वास्थ्य बीमा, यात्रा बीमा तथा आकस्मिक सुरक्षा व्यवस्थाको आवश्यकता रहेको बताइएको छ। यस्ता बीमा सुविधाले विद्यार्थी र अभिभावकलाई आर्थिक तथा मानसिक सुरक्षा प्रदान गर्ने धारणा व्यक्त गरिएको थियो।

सहभागीहरूले यस्ता कार्यक्रमहरूले शिक्षा क्षेत्रका सरोकारवालाबीच सहकार्य अभिवृद्धि गर्नुका साथै विद्यार्थीहरूको समग्र भविष्य सुरक्षित बनाउन सहयोग पुग्ने विश्वास व्यक्त गरेका छन्। साथै, आगामी दिनहरूमा पनि यस्ता जानकारीमूलक र अन्तरक्रियात्मक कार्यक्रमहरू निरन्तर आयोजना गरिने अपेक्षा गरिएको छ।