काठमाडौं । National Life Insurance Company Limited र Grande International Hospital बीच मेडिकल सेवा सम्बन्धी सम्झौता सम्पन्न भएको छ।

आकर्षक बोनसदर सहित विगत ३९ वर्षदेखि जीवन बीमा व्यवसायमा आफ्नो छुट्टै पहिचान बनाउन सफल निजी क्षेत्रको पहिलो जीवन बीमा कम्पनी नेशनल लाईफ इन्स्योरेन्स कम्पनी लिमिटेडले आफ्ना प्रस्तावकहरूलाई आवश्यक पर्ने मेडिकल रिपोर्ट छिटो, छरितो र सर्वसुलभ रूपमा उपलब्ध गराउने तथा कर्मचारीहरूलाई सहुलियत दरमा स्वास्थ्योपचार सेवा प्रदान गर्ने उद्देश्यले उक्त सम्झौता गरेको हो।

मिति २०८३ साल बैशाख ९ गते कम्पनीको लाजिम्पाटस्थित केन्द्रीय कार्यालयमा आयोजित एक समारोहबीच सम्झौतामा हस्ताक्षर गरिएको हो। कार्यक्रममा कम्पनीका प्रमुख कार्यकारी अधिकृत Suresh Prasad Khattri र ग्राण्डी इन्टरनेशनल हस्पिटलका मेडिकल डाइरेक्टर Dr. Binod Bijukchhe को समुपस्थितिमा हस्पिटलका चिफ अपरेटिङ अफिसर Amrit Khanna ले सम्झौतामा हस्ताक्षर गर्नुभएको थियो।

सम्झौता अनुसार, कम्पनीको बीमालेख खरिद गर्न चाहने प्रस्तावकहरूलाई आवश्यक पर्ने मेडिकल जाँच सहुलियत दरमा छिटो र सहज रूपमा उपलब्ध गराइनेछ। साथै, कम्पनीमा कार्यरत कर्मचारीहरूले ग्राण्डी इन्टरनेशनल हस्पिटलबाट स्वास्थ्योपचार सेवामा १० प्रतिशतसम्म छुट सुविधा सहित सेवा प्राप्त गर्ने व्यवस्था गरिएको छ।

यस प्रकारको सम्झौताबाट कम्पनीका सरोकारवाला वर्गहरूले प्रत्यक्ष लाभ लिन सक्ने अपेक्षा गरिएको छ।