काठमाडौँ। Foton Nepal का आधिकारिक वितरक MAW Vriddhi Commercial Vehicles Pvt. Ltd. ले Chitwan Auto Show 2026 मा विशेष कमर्शियल मोबिलिटी अफर सार्वजनिक गर्ने भएको छ।

कम्पनीले वैशाख १७ देखि २१ गतेसम्म Chitwan Expo Center मा आयोजना हुने कार्यक्रममा हल नं. ०३ को स्टल नं. ०३ बाट आफ्ना सवारी साधन प्रदर्शन गर्ने जनाएको छ।

फोटोनले ईभी भ्यान, TM1 र पिकअप सेग्मेन्टमा इभेन्ट-विशेष अफर ल्याउनेछ। कम्पनीका अनुसार हाइ रूफ र लो रूफ ईभी भ्यान तथा सोकोन ईभी भ्यानमा फ्यामिली रिट्रीट प्याकेज, ५५ इन्च एलईडी टिभी, नगद रेफरल बोनस र गिफ्ट ह्याम्पर उपलब्ध हुनेछन्। यी सवारीमा नगद छुट भने कार्यक्रममै घोषणा गरिनेछ।

त्यस्तै, TM1 मा नगद छुट र गिफ्ट ह्याम्पर तथा फोटोन पिकअपमा पहिलो वर्षका लागि शून्य प्रतिशत ब्याजदरको सुविधा उपलब्ध गराइने कम्पनीले जनाएको छ।

कम्पनीका अनुसार देशभर १७१ भन्दा बढी ईभी चार्जिङ स्टेशन र १४ भन्दा बढी सर्भिस आउटलेटमार्फत ग्राहकलाई सेवा प्रदान गरिँदै आएको छ।

फोटोन नेपालले चितवन तथा आसपासका ग्राहकलाई स्टलमा आएर विशेष अफरबारे जानकारी लिन आग्रह गरेको छ।