एजेन्सी । विश्व बजारमा इन्धनको संकट चुलिरहेका बेला मे महिनाको सुरुमा यमनको राजधानी एडेनमा चिनियाँ विद्युतीय सवारी साधन बीवाइडीले आधिकारिक प्रवेश पाएको छ ।

यमनमा पहिलो शोरूम र चार्जिङ पूर्वाधारको सुरुवातसँगै बीवाइडीको प्रवेशले सौर्य ऊर्जासँग परिचित जनसंख्याको लागि व्यवहारिक विकल्प बन्नसक्ने अपेक्षा गरिएको छ ।

‘हामी अल इत्तेहाद इन्टरनेशनलमा विश्वको अग्रणी ईभी निर्माता, बीवाइडीको प्रतिनिधित्व गर्न पाउँदा गर्व गर्छौं । हामी हाम्रा ग्राहकहरूको आवश्यकताहरू पूरा गर्दै स्वच्छ, वैकल्पिक ऊर्जा मार्फत यातायात क्षेत्रको लागि ठोस समाधानहरू प्रदान गर्दैछौं,’अल इत्तेहाद इन्टरनेशनलका अध्यक्ष अमीन कासिम अल हौथरीले भने ।

यो विस्तार चीनको हरित बेल्ट एण्ड रोड इनिसिएटिभसँग मिल्दोजुल्दो छ, जसले चिनियाँ नवप्रवर्तन मार्फत दिगो विकासलाई जोड दिने अपेक्षा गरिएको छ । एडेनका धेरैका लागि, विद्युतीय र हाइब्रिड मोडेलहरूमा परिवर्तन एक तार्किक कदम मानिएको छ ।

इन्धन संकट र आकाशिँदै गएको पेट्रोलको मूल्यले थिचिएका नागरिकहरूका लागि एक महत्त्वपूर्ण विकल्प प्रदान गर्न अपेक्षा गरिएको छ । ९सीसीटीभीप्लस०