एनएमबि बैंकका ग्राहकहरूलाई भारतस्थित मेदांता अस्पतालमा विशेष छुट
Monday May 18, 2026
वि.सं.२०८३ जेठ ४ सोमवार २३:१७
काठमाडौं । एनएमबि बैंक ले आफ्ना भिसा डेबिट तथा क्रेडिट कार्डवाहक ग्राहकहरूका लागि भारतस्थित मेदांता अस्पताल मा विशेष स्वास्थ्य सेवा छुट उपलब्ध गराउने सहकार्य गरेको छ ।
यस सहकार्यपछि एनएमबि बैंकका ग्राहकहरूले मेदांता अस्पतालमा विभिन्न स्वास्थ्य सेवामा आकर्षक छुट प्राप्त गर्न सक्ने बैंकले जनाएको छ ।
बैंकका अनुसार ग्राहकहरूले ओपिडी परामर्श, ल्याब तथा रेडियोलोजी सेवा र प्रिभेन्टिभ हेल्थ प्याकेजमा १५ प्रतिशतसम्म छुट पाउनेछन् । साथै, आइपिडी सेवाअन्तर्गत रुम रेन्ट तथा विभिन्न जाँच सेवामा १० प्रतिशत छुटको सुविधा पनि उपलब्ध हुनेछ ।
ग्राहकहरूको स्वास्थ्य र सुविधालाई प्राथमिकतामा राख्दै बैंकिङ सेवाभन्दा बाहिर पनि थप सुविधा प्रदान गर्ने उद्देश्यले यस्तो सहकार्य गरिएको एनएमबि बैंकले जनाएको छ ।
थप जानकारीका लागि ग्राहकहरूले बैंकको ग्राहक सेवा नम्बर ०१–५९७०१५० मा सम्पर्क गर्न सक्नेछन् ।
हाल एनएमबि बैंकले देशभर १९८ शाखा, १७६ एटिएम तथा ९ एक्सटेन्सन काउन्टरमार्फत सेवा प्रदान गर्दै आएको छ ।
