नेपालका लागि यामाहा मोटरसाइकलको आधिकारिक वितरक एमएडब्लू राइड्स प्रालिले देशभरका डिलरहरूबाट उत्कृष्ट बिक्री तथा सेवा दक्षता भएका प्रतिभाहरू पहिचान गर्दै ुरिजनल सेल्स स्किल कन्टेस्टु सफलतापूर्वक सम्पन्न गरेको छ। यामाहा ट्रेनिङ एकेडेमी ९थ्त्ब्० को छातामुनि आयोजना गरिएको यस प्रतियोगिताले अग्रपंक्तिमा कार्यरत जनशक्तिको सीप अभिवृद्धि गर्ने र उत्कृष्ट ग्राहक सेवा सुनिश्चित गर्ने उद्देश्य राखेको छ। बिक्रीतर्फको क्षेत्रीय प्रतिस्पर्धा काठमाडौं, इटहरी, बर्दिबास, भरतपुर र नेपालगञ्जमा तथा सेवातर्फको प्रतियोगिता काठमाडौं, बुटवल, बर्दिबास, इटहरी र नेपालगञ्जमा सम्पन्न भएको थियो। सहभागीहरूको मूल्याङ्कन उत्पादनसम्बन्धी ज्ञान, प्रतिस्पर्धीबारे जानकारी, अटोमोबाइलका आधारभूत विषय तथा व्यावहारिक बिक्री र सेवा सीपका आधारमा गरिएको थियो।

प्रतियोगिताको सेल्सतर्फ बी एण्ड बी अटो ट्रेडर्स विराटचोकका चूडामणि आचार्य विनर, भिएडब्लु इन्टरप्राइजेज पोखराका समुन्द्र पंगेनी ९फर्स्ट रनर अप० र डी एण्ड डी अटोलिङ्क सीतापाइलाका अनिश महर्जन ९सेकेन्ड रनर अप० बन्न सफल भएका छन्। त्यसैगरी, सर्भिसतर्फ मोटो क्राफ्ट गोंगबुका प्रवीण सान्डा विनर, ऋषिक अटोमोबाइल्स कुमारीपाटीका निरोज श्रेष्ठ ९फर्स्ट रनर अप० र क्रेशभ कमर्सियल दमकका दिपन सरकार ९सेकेन्ड रनर अप० विजेता बनेका छन्। यी सबै विजेताहरूले भैरहवाको परासीस्थित यामाहा फ्याक्ट्री भ्रमण गर्ने अवसर पाउनेछन् भने सर्भिसतर्फका विजेताहरूले विश्वस्तरीय स्किल प्रतियोगितामा समेत सहभागिता जनाउन पाउनेछन्।

यस वर्ष एमएडब्लू राइड्स र थ्त्ब् ले बिक्री र सेवा दुवै विधालाई एउटै संयुक्त राष्ट्रिय कार्यक्रममा समेट्ने एकीकृत अवधारणा अघि बढाएका छन्। पाँचै क्षेत्रबाट छनोट भएका उत्कृष्ट ३० जना फाइनलिस्टहरू बीच जेठ १६ गते काठमाडौंको त्रिपुरेश्वरस्थित यामाहा ट्रेनिङ एकेडेमीमा राष्ट्रिय सेल्स एण्ड सर्भिस स्किल कन्टेस्ट भव्य रूपमा आयोजना गरिएको छ। यस अन्तर्गत सेल्सतर्फ लिखित परीक्षा, प्रडक्ट डेमो र भाइभा लिइएको थियो भने सर्भिसतर्फ बिगिनर्स, ब्रोन्ज, इन्जिन, इलेक्ट्रिकल तथा सिस्टम विधामा मूल्याङ्कन गरिएको थियो। एमएडब्लू राइड्सका अनुसार यो पहल केवल प्रतिस्पर्धा मात्र नभई जनशक्तिमा गरिएको लगानी हो, जसले यामाहाको डिलर नेटवर्कलाई अझ सशक्त बनाउँदै नेपालभरका ग्राहकहरूलाई उत्कृष्ट सेवाको अनुभव प्रदान गर्नेछ।