काठमाडौं । नेपालका लागि सुजुकी अटोमोबाइल्सको आधिकारिक वितरक तथा चौधरी ग्रुप अन्तर्गतको सीजी होल्डिङ्सको भगिनी संस्था सीजी मोटोकर्प प्रा. लि. ले ग्राहकहरूका लागि राष्ट्रव्यापी “सुजुकी समर सर्भिस क्याम्प” सार्वजनिक गरेको छ। यो विशेष तीन दिने सेवा अभियान आगामी जुन ७ देखि जुन ९, २०२६ (तदनुसार जेठ २४ देखि २६ गते, २०८३) सम्म नेपालभरका सबै आधिकारिक सुजुकी सर्भिस सेन्टरहरूमा एकसाथ सञ्चालन हुनेछ। नेपालमा गर्मी र मनसुनपूर्वको मौसम प्रारम्भ भएसँगै भारी वर्षा र चुनौतीपूर्ण सडक अवस्थालाई मध्यनजर गर्दै प्रत्येक सुजुकी गाडी धनीले सुरक्षित र ढुक्कका साथ यात्रा गर्न सकून् भन्ने उद्देश्यले सीजी मोटोकर्पले यो अभियान ल्याएको हो। यस क्याम्पमा व्यापक सवारी मर्मत-सम्भार, आकर्षक छुट तथा विभिन्न मूल्य अभिवृद्धिकारी निःशुल्क सेवाहरू प्रदान गरिनेछन्।

क्याम्प अवधिभर आफ्नो सवारी साधन सर्भिसिङका लागि ल्याउने ग्राहकहरूले विशेष छुट र अफरहरूको लाभ उठाउन सक्नेछन्। जस अन्तर्गत स्पेयर पार्ट्स र लुब्रिकेन्ट्सको खरिदमा १० प्रतिशत विशेष छुट उपलब्ध गराइएको छ भने लेबर चार्जमा २० प्रतिशत छुटको व्यवस्था गरिएको छ। यसका साथै ग्राहकहरूले सुजुकी डाइग्नोस्टिक टूल (SDT) जाँच, सामान्य सवारी निरीक्षण, हिटर तथा एयर कन्डिसनिङ जाँच, र ब्याट्रीको स्वास्थ्य परीक्षण जस्ता सुविधाहरू पूर्ण रूपमा निःशुल्क प्राप्त गर्न सक्नेछन्। यी सुविधाहरूले गाडीको कार्यक्षमता दुरुस्त राख्न र आगामी मौसमका लागि सवारी साधनलाई तयार राख्न सहयोग पुर्‍याउनेछन्।

नियमित सर्भिसिङ र छुटका अलावा यस क्याम्पमा सहभागी हुने ग्राहकहरूका लागि एक आकर्षक बम्पर लकी ड्रको समेत आयोजना गरिएको छ। क्याम्प अवधिमा आफ्नो गाडी सर्भिस गराउने सम्पूर्ण ग्राहकहरू स्वतः यस लकी ड्रमा सहभागी हुनेछन्, जसमध्ये १० जना भाग्यशाली विजेताहरूले नगरकोटको प्रसिद्ध भंगेरी दरबार रिसोर्टमा एक रातको लक्जरी स्टेकेसन प्याकेज जित्ने सुनौलो मौका पाउनेछन्। काठमाडौँ उपत्यका नजिकैको मनोरम पहाडी परिवेशमा मनलाई ताजगी र ऊर्जा दिने यो एक उत्कृष्ट अवसर हुनेछ। सीजी मोटोकर्पले नेपालभरका सम्पूर्ण सुजुकी गाडी मालिकहरूलाई जुन ७ देखि ९ सम्म आफ्नो नजिकैको आधिकारिक सुजुकी सर्भिस सेन्टरमा गई यस अवसरको भरपूर फाइदा उठाउन हार्दिक आमन्त्रण गरेको छ।