काठमाडौँ — नेपालका लागि हुन्डाई गाडीको आधिकारिक विक्रेता लक्ष्मी इन्टरकन्टिनेन्टल प्रा. लि. (लक्ष्मी हुन्डाई) ले दक्षिण एसिया, मध्यपूर्व र अफ्रिका (IMEA) क्षेत्र अन्तर्गत प्रतिष्ठित ‘सर्भिस पर्फर्मेन्स अवार्ड’ प्राप्त गरेको छ। हुन्डाई मोटर कम्पनीद्वारा प्रदान गरिएको यस अन्तर्राष्ट्रिय पुरस्कारले बिक्री पछिको उत्कृष्ट सेवा (After-sales Service) र उच्च ग्राहक सन्तुष्टिप्रति कम्पनीले पुर्‍याएको निरन्तर योगदानको उच्च मूल्याङ्कन गरेको छ।

यो सम्मानले हुन्डाई गाडी बिक्रीमा मात्र सीमित नरहेर ग्राहकहरूलाई बिक्री पछि प्रदान गरिने दिगो र गुणस्तरीय सेवामा कति प्रतिबद्ध छ भन्ने कुरालाई पुनः प्रमाणित गरेको छ।

अटोमोबाइल क्षेत्रका अधिकांश ब्रान्डहरू मुख्य रूपमा गाडी बिक्री र शोरुम सञ्चालनमा मात्र केन्द्रित भइरहेका बेला लक्ष्मी हुन्डाईले भने सुरुदेखि नै आफ्नो बलियो जगका रूपमा बिक्री पछिको सेवालाई स्थापित गर्दै आएको छ। ग्राहकको पूर्ण स्वामित्व यात्रालाई विश्वसनीय र सहज बनाउनका लागि कम्पनीले आफ्नो सेवा सञ्जालको सुदृढीकरण, जनशक्तिको व्यावसायिक दक्षता अभिवृद्धि र आधुनिक पूर्वाधार विकासमा निरन्तर ठुलो लगानी गर्दै आएको छ।

हुन्डाईको विश्वव्यापी आईएमईए प्लेटफर्ममा नेपालको लक्ष्मी हुन्डाईले ग्राहक सेवा र कार्यकुशलतामा अन्तर्राष्ट्रिय मापदण्ड कायम राख्दै यस प्रकारको गौरवमय उपाधि प्राप्त गर्नु समग्र देशकै लागि एक सुखद र गर्वको क्षण बनेको छ।

यो महत्त्वपूर्ण उपलब्धि लक्ष्मी हुन्डाईको सिङ्गो टोलीले प्रदर्शन गरेको अहोरात्र खटाइ, व्यावसायिक निरन्तरता र ‘ग्राहक-पहिलो’ भन्ने मूल भावनाको सामूहिक प्रतिफल हो। लक्ष्मी हुन्डाईले बिक्री पछिको सेवालाई केवल व्यापारिक दायित्वका रूपमा मात्र नलिई ग्राहकहरूसँगको दीर्घकालीन पारिवारिक सम्बन्धका रूपमा आत्मसात् गर्दै आएकाले हरेक चरणमा विश्वस्तरीय सेवा सुविधाहरू सुनिश्चित गर्दै आएको छ।

यस ऐतिहासिक र अन्तर्राष्ट्रिय सम्मान प्राप्त गरेको अवसरमा लक्ष्मी हुन्डाईले आफूमाथि निरन्तर अगाध विश्वास र सद्भाव प्रकट गर्ने आफ्ना सम्पूर्ण आदरणीय ग्राहक महानुभावहरू प्रति हार्दिक कृतज्ञता ज्ञापन गरेको छ।

साथै, कम्पनीले सामूहिक प्रयास र अथक मिहिनेतमार्फत यो सफलता सम्भव तुल्याउने आफ्ना सम्पूर्ण निष्ठावान् कर्मचारी टोलीको उच्च प्रशंसा समेत गरेको छ। यो अन्तर्राष्ट्रिय पहिचानले लक्ष्मी हुन्डाईलाई आगामी दिनहरूमा सेवाको गुणस्तरमा अझै उत्कृष्ट मापदण्डहरू स्थापित गर्दै नेपालको अटोमोबाइल उद्योगमा नयाँ आयाम थप्न थप जिम्मेवार र प्रतिबद्ध बनाएको छ।