काठमाडौं । रक्षामन्त्री मानवीर राईले अध्यादेश मार्फत कानूनी अप्ठारा, बाधाहरु फुकाउने प्रयास गरेको बताएका छन् ।

बिहिवार काठमाडौंमा भएको कर्पोरेट एक्सिलेन्स अवार्ड, २०२५लाई सम्बोधन गर्दै उनले कानूनी जतिलताहरुलाई व्यवस्थित गर्न बाँकी रहेपनि केही प्रयास भने गरेको बताएका हुन् ।

उनले भने, ‘हामीले अध्यादेश मार्फत कानूनी अप्ठारा, बाधाहरु लगायत सुशासनसँगै अन्य क्षेत्रका बाधा फुकाउने कोशिस गरेका छौ । पर्याप्त छैन ।

अहिले पनि हामीले कतिपय कुराहरु कानूनी जतिलताहरुलाई व्यवस्थित गर्न बाँकी छ । कार्यान्वयनको चरण पनि तदरुपकताका साथ छिटो होस् भन्ने कुरा यहाँ आएको छ हामी लागु गर्ने तयारीमा छौ।’

कार्यक्रममा फरक फरक विधामा विभिन्न कम्पनीहरु तथा संस्थाहरुलाई अवार्ड प्रदान गरिएको छ । उत्कृष्ठ उत्पादनमुलक उद्योगको रुपमा शिवम् सिमेन्टलाई सम्मानित गरिएको छ ।