काठमाडौं ।  नाइमा नेपाल मोबिलिटी एक्सपो २०२५ मा एमजीले वर्षकै सबैभन्दा ठूलो अफर सार्वजनिक गरेको छ। नेपालमा एमजी गाडीहरूको आधिकारिक वितरक पारामाउन्ट मोटर्सले यो अफर केवल एक्सपो अवधिभर लागू हुने गरी ल्याएको हो।

साउन २५ गतेसम्म हल ए (स्टल ए–१ र ए–३) र हल बी (स्टल एच–३) मा रहेका एमजी तथा आइएमका स्टलहरूमा गएर ग्राहकहरूले सीमित अवधिका लागि यो अफर प्राप्त गर्न सक्नेछन्। अफरमा एमजी ४ ईभी, एमजी एस५ ईभी, विन्डसर ईभी, कमेट ईभी र भविष्य प्रविधि समेटिएको एमजी आइएम ६ मोडलहरू समावेश छन्।

यस विशेष अफरअन्तर्गत ४ लाख रुपैयाँसम्मको छुट, निःशुल्क कम्प्रिहेन्सिभ इन्स्योरेन्स, साथै प्रत्येक खरिदमा ३ किलोवाट वा ७ किलोवाट क्षमताको चार्जर निःशुल्क उपलब्ध गराइनेछ। कम्पनीका अनुसार, यो एमजीको अहिलेसम्मकै सबैभन्दा आकर्षक अफर हो।

पारामाउन्ट मोटर्सका महाप्रबन्धक सुनील बहादुर क्षेत्रीका अनुसार, यो एक्स्पो केवल गाडी प्रदर्शनका लागि मात्र नभई, ग्राहकलाई स्मार्ट र हरित मोबिलिटी तर्फ सहज रूपले अघि बढाउने उद्देश्यले आयोजना गरिएको हो। उनका अनुसार, यस अफरमार्फत एमजीको स्वामित्व अझ सहज र पहुँचयोग्य बनाउन अभूतपूर्व मूल्य प्रस्ताव गरिएको छ।

कम्पनीका अनुसार, उत्साहजनक सहभागिता र सकारात्मक प्रतिक्रियाले एक्स्पोमा एमजीको उपस्थिति ब्रान्डको लोकप्रियता र नेपालको विद्युतीय मोबिलिटी परिवर्तनतर्फको सोचलाई प्रस्ट पारेको छ।