काठमाडौं । भृकुटीमण्डपमा जारी ‘नाइमा नेपाल मोबिलिटी एक्सपामा’ टोयोटाको ल्यान्डक्रुजर २५० सबैभन्दा महँगो गाडीको रूपमा प्रदर्शनीमा राखिएको छ। यो जापानी ब्राण्डको गाडी नेपालमा वैद्य ग्रुपको युनाइटेड ट्रेडर्स सिन्डिकेटले आयात र बिक्री गर्दै आएको छ। ल्यान्डक्रुजर २५० ल्यान्डक्रुजर प्राडोको नयाँ भर्सन हो र यसको मूल्य ३ करोड ७० लाख रुपैयाँ तोकिएको छ।

गाडीमा ३.५ लिटर वी६ ट्विन टर्बो इन्जिन रहेको छ जसले ६५० एनएम टर्क उत्पादन गर्छ। यसको लम्बाइ ५,००० मिमि, चौडाइ १,९८० मिमि र उचाई १,९५० मिमि छ। व्हिलबेस २,८५० मिमि र ग्राउण्ड क्लियरेन्स २४० मिमि रहेको छ।

टोयोटाले यस गाडीमा क्रुज कन्ट्रोल, कुल्ड बक्स, रियर क्रस ट्राफिक अलर्ट, ८ वटा सेन्सर, मल्टी स्पोक स्टेयरिङ ह्विल, सनरूफ, एडास फिचर, ८ वटा एयरब्याग, लेदर सिट, अटोमेटिक हाई बीम कन्ट्रोल, ड्युल जोन एसी, टिल्ट र टेलिस्कोपिक स्टेयरिङ लगायतका सुविधाहरू दिएको छ।

१२.३ इन्चको इन्फर्मेशन डिस्प्ले, हेडअप डिस्प्ले, हिटर, ग्लोभबक्स, ८ तरिकाले एड्जस्ट गर्न मिल्ने चालक सिट, १० वटा स्पिकर र वायरलेस इन्ट्री पनि यसमा उपलब्ध छन्।