काठमाडौं । सन नेपाल लाइफ इन्स्योरेन्सले आफ्ना कर्मचारीहरूको क्षमता अभिवृद्धि तथा नियामक पालना सुनिश्चित गर्ने उद्देश्यले Anti Money Laundering (AML) र Combating the Financing of Terrorism (CFT) सम्बन्धी विशेष तालिम सम्पन्न गरेको छ।

तालिम मकवानपुरको नगरकोटस्थित रत्नागिरि रिसोर्टमा आयोजना गरिएको हो। कार्यक्रममा कम्पनीका कानून विभाग प्रमुख श्री सुबास भण्डारीले प्रशिक्षण प्रदान गर्नुभएको थियो।

उहाँले मनी लन्डरिङ र आतङ्कवादी वित्तीयकरण जस्ता विश्वव्यापी चुनौतीहरूले बीमा क्षेत्रमा पार्न सक्ने सम्भावित प्रभावबारे प्रकाश पार्दै समयमै सचेत रहनुपर्ने आवश्यकता औंल्याउनुभयो। साथै AML/CFT सम्बन्धी अन्तर्राष्ट्रिय मापदण्ड, नेपाल सरकार तथा बीमा प्राधिकरणका निर्देशिका र दैनिक कार्यान्वयनमा पालना गर्नुपर्ने व्यावहारिक प्रक्रियाबारे विस्तृत प्रशिक्षण दिनुभयो।

कार्यक्रममा कोशी, मधेश र बागमती प्रदेशका शाखा प्रमुखहरूको उपस्थिति रहेको थियो। साथै कम्पनीका प्रमुख बजार अधिकृत श्री गणेश चौलागाइँसहित अन्य पदाधिकारीहरूको पनि सहभागिता थियो।

हाल सन नेपाल लाइफ इन्स्योरेन्सले देशभरका १४३ शाखामार्फत जीवन बीमा व्यवसाय संचालन गरिरहेको छ।