काठमाडौं। नाडा अटो शो २०२५ लाई विशेष बनाउन सेरेसले ‘थ्री एक्स अफर’ सार्वजनिक गरेको छ। कम्पनीका अनुसार यो अफर केवल अटो शो अवधिभर मात्र लागू हुनेछ।

थ्री एक्स अफरअन्तर्गत ३ वर्षको सम्पूर्ण बीमा कभरेज, ३ गुणासम्मको नगद छुट, र बुकिङ रकमलाई ३ गुणा बराबरको फाइदा उपलब्ध गराइनेछ। यस अफरमार्फत ग्राहकले अधिकतम ६ लाख रुपैयाँसम्मको लाभ लिन सक्नेछन्।

नेपालमा सेरेसको आधिकारिक वितरक एमएडब्लु बृद्धि मोटर्सका अनुसार, अफरमार्फत ग्राहकले सेरेसका अत्याधुनिक गाडीहरू नजिकैबाट अवलोकन गर्ने अवसर पाउनेछन्। शोमा सेरेस ३ एसयूभी प्रदर्शनीमा राखिएको छ।

सेरेस ३ आधुनिक डिजाइन, अत्याधुनिक प्रविधि र वातावरणमैत्री प्रदर्शनसहितको अत्याधुनिक इलेक्ट्रिक एसयूभी हो। यसले लोमान्थाङ (४,६६० मिटर) सम्म पुगेर नेपालमा पहिलोपटक यस्तो उचाइमा सफलतापूर्वक यात्रा गर्ने इतिहास बनाइसकेको छ। यस उपलब्धिले सेरेस नेपालको चुनौतीपूर्ण भौगोलिक परिस्थितिमा पनि भरपर्दो र सक्षम इलेक्ट्रिक भेइकल भएको पुष्टि गरेको कम्पनीले जनाएको छ।