काठमाडौं । लक्ष्मी अटोमोटिभ डिभिजनले ‘लक्सपेरिएन्स’ नामक विशेष पारिवारिक कार्यक्रम गर्ने भएको छ । ‘जोय, ड्राइभ, फुड’ नारासहित भदौ ७ र ८ गते (शनिबार र आइतबार) गैरीधारा स्थित सिल्भर ओकमा बिहान ११ बजेबाट बेलुकी ६ बजेसम्म कार्यक्रम सञ्चालन हुनेछ ।

यस कार्यक्रममा लक्ष्मी ग्रुप अन्तर्गत बिक्री हुने हुन्डाई, बीएमडब्ल्यू, केई र फर्थिङ ब्रान्डका विभिन्न मोडलका गाडीहरू एकै छानामुनि अवलोकन गर्न पाइनेछ । गाडीको प्रदर्शनी मात्र नभई बीएमडब्ल्यू एक्सपिरेन्स ड्राइभ, लाइभ संगीत, रमाइला खेलकुद, आकर्षक उपहार तथा पुरस्कार लगायत मनोरञ्जनात्मक गतिविधिहरू समेत रहनेछन् ।

परिवारका लागि निःशुल्क पौडी सुविधा, बालबालिकाका लागि विशेष किड्स जोन, नेल आर्ट, मेहेन्दी, गाडीको एक्सचेन्ज तथा मूल्याङ्कन, फाइनान्स तथा बीमा सम्बन्धी जानकारी जस्ता गतिविधिहरूले कार्यक्रममा आकर्षण थप्ने जनाइएको छ ।

यस वर्षको बुबाको मुख हेर्ने दिन र हरितालिका तीजको अवसर पारेर आयोजना गरिएको ‘लक्सपेरिएन्स’ पारिवारिक जमघट र खुसीयाली साटासाट गर्ने उत्तम अवसर हुने आयोजकले जनाएको छ ।