बुटवल । एनएमबि बैंकका कर्मचारी, परिवार र ग्राहकहरुले अब बुटवल हस्पिटल प्रा.लि. मा उपचार गराउँदा ५% देखि १५% सम्म छुट पाउने भएका छन्। एनएमबि बैंक र बुटवल हस्पिटलबीच सम्पन्न भएको सम्झौता अनुसार सो सुविधा उपलब्ध हुने भएको हो।

सम्झौता अनुसार बैंकका कर्मचारी÷परिवार तथा ग्राहकहरुले बेड चार्ज, ल्याब टेस्ट, अपरेशन चार्ज, युएसजी, ईसीजी, इको, एक्सरे, फिजियोथेरापी र औषधि सेवामा छुट पाउनेछन्।

सम्झौतामा एनएमबि बैंक लुम्बिनी प्रदेश प्रमुख शम्भुप्रसाद पराजुली र बुटवल हस्पिटल प्रा. लि. का अध्यक्ष चुन्नु प्रसाद पौडेलले हस्ताक्षर गर्नुभएको हो। बैंकले यस सम्झौताबाट आफ्ना कर्मचारी÷ग्राहकलाई उपचारमा राहत पुग्ने विश्वास लिएको छ।

छुट लिनका लागि सेवाको भुक्तानी एनएमबि बैंकको खातामार्फत गर्नुपर्नेछ। यसका लागि बैंकको एटिएम, क्रेडिट कार्ड, इन्टरनेट बैंकिङ, मोबाइल बैंकिङ, कर्पोरेट पे, आइपिएस तथा क्युआर कोड प्रयोग गर्न सकिनेछ।

हाल एनएमबि बैंकले देशभर २०२ शाखा, १८७ एटिएम र ९ एक्सटेन्सन काउन्टरमार्फत सेवा प्रदान गर्दै आएको छ।