काठमाडौँ । काठमाडौँको कलंकीस्थित टन्केश्वर टाइल एण्ड मार्बल हाउस प्रा.लि.लाई लेमिनार टायल्सले आधिकारिक डिलरका रूपमा नियुक्त गर्दै नयाँ विशेष डिलर शोरूम सञ्चालनमा ल्याएको छ।

बुधबार आयोजित औपचारिक समारोहमा टन्केश्वर टाइल एण्ड मार्बल हाउसका सञ्चालक प्रज्ज्वल अधिकारी तथा लेमिनार टायल्सका निर्देशकद्वय अभिनभ चुरिवाल र आशुतोश खेतानले संयुक्त रूपमा “एम्पोरियो” श्रेणीअन्तर्गतको डिलर शोरूम उद्घाटन गरे।

समारोहमा बोल्दै निर्देशक अभिनभ चुरिवालले लेमिनार टायल्सले देशभर १०० भन्दा बढी विशेष शोरूम स्थापना गर्ने लक्ष्यसहित विस्तारको यात्रामा अघि बढिरहेको बताए। अर्का निर्देशक आशुतोश खेतानले लेमिनार भिट्रिफाइड टायल्स अन्य टायल्सभन्दा बलियो, टिकाउ र बढी लोड बियरिङ क्षमतायुक्त भएको जानकारी दिए।

लेमिनार टायल्सको उत्पादन बर्दियाको गुलरियामा १२.५ बिगाहा क्षेत्रमा स्थापना गरिएको अत्याधुनिक यूरोपेली प्रविधियुक्त उत्पादन केन्द्रमा भइरहेको छ। कम्पनीले हाल ५०० भन्दा बढी आकर्षक डिजाइनमा पाँच फरक आकारका टायल्स बजारमा उपलब्ध गराएको छ।

यी टायल्सहरू पूर्ण भिट्रिफाइड भएकाले ९९.९२ प्रतिशतसम्म वाटरप्रुफ छन् र उच्च गुणस्तरको कच्चा पदार्थ तथा उन्नत उत्पादन प्रक्रियाका कारण साधारण सेरामिक टायल्सको तुलनामा चार गुणा बढी टिकाउ मानिन्छन्।