काठमाडौं । नेपाली सिमेन्ट उद्योगमा अग्रणी स्थान ओगट्न सफल शिवम् सिमेन्टले आफ्नो चर्चित ब्राण्ड क्याम्पेन “ल्य जिम्मेवारी” अन्तर्गतको तेस्रो सामाजिक सन्देशमूलक भिडियो सार्वजनिक गरेको छ ।

नवीनतम भिडियोमा “समयको मामलामा ल्य जिम्मेवारी” भन्ने सन्देश प्रस्तुत गरिएको छ । कथामा दुई साथीमध्ये एकजना समयमै एयरपोर्ट पुगेको छ भने अर्को उडान ढिलो हुने अपेक्षामा घरमै बस्छ तर जहाज समयमै उड्छ । यस दृश्यमार्फत जीवनका प्रत्येक सेकेण्डको महत्व र समयमा जिम्मेवारी पुरा गर्नुपर्ने सन्देश दिइएको छ ।

यसअघि, पहिलो भिडियोमा एक कर्तव्यनिष्ठ ट्राफिक प्रहरीमार्फत “कर्तव्यको मामलामा ल्य जिम्मेवारी” भन्ने संदेश दिइएको थियो भने दोस्रो भिडियोमा घरबेटी–भाडावालबीचको सम्झौतामा आधारित कथा प्रस्तुत गर्दै “सर्तकताको मामलामा ल्य जिम्मेवारी” भन्ने सन्देश प्रवाह गरिएको थियो । यी भिडियोहरू दर्शकले निकै रुचाएका थिए ।

शिवम् सिमेन्टले यो अभियानलाई केवल विज्ञापन नभई समाजप्रतिको उत्तरदायित्व र जनचेतनामा केन्द्रित प्रयासका रूपमा अघि सारेको जनाएको छ । कम्पनीले स्थापना कालदेखि नै केवल ओ.पी.सी. सिमेन्ट उत्पादन र बिक्री गर्दै आएको छ । गुणस्तर, भरोसा र दीर्घकालीन सम्बन्धमा अटल रहँदै, कम्पनीले नेपालकै पहिलो सिमेन्ट कम्पनीका रूपमा उत्कृष्ट गुणस्तरमा आधारित राष्ट्रिय पुरस्कार “नेपाल गुणस्तर पुरस्कार” समेत प्राप्त गरिसकेको छ ।