काठमाडौं । ग्लोबल आइएमई लघुवित्त वित्तीय संस्था लिमिटेडको सञ्चालक समितिको अध्यक्षमा पुनः नियुक्त भएका बैंकर बुद्धी अकेलाले पद तथा गोपनीयताको शपथ लिएका छन्। शपथ नेपाल राष्ट्र बैंकका कार्यकारी निर्देशक रामु पौडेलले ग्रहण गराएका हुन्।

अकेला संस्थाको संस्थापक समूह (ग्लोबल आइएमई बैंक लिमिटेड)को तर्फबाट प्रतिनिधित्व गर्दै अध्यक्षको जिम्मेवारी सम्हालिरहेका अनुभवी बैंकर हुन्। हाल उनी सो बैंकमा डिप्टी जनरल म्यानेजर (डी.जि.एम) पदमा कार्यरत छन्।

शपथग्रहण कार्यक्रममा संस्थाका प्रमुख कार्यकारी अधिकृत हरिकृष्ण जोशी र नायब प्रमुख कार्यकारी अधिकृत श्रीराम पोख्रेल पनि उपस्थित थिए।

सञ्चालक समितिको २०८२ पुस २९ गते बसेको २१६ औँ बैठकले उनलाई सर्वसम्मत रूपमा अध्यक्षमा पुनः चयन गरेको थियो।