काठमाडौं । नेपालका विद्यार्थीहरूको अनुसन्धानलाई सहयोग पुर्‍याउने उद्देश्यले कामना सेवा विकास बैंकले एमफिल र स्नातकोत्तर अध्ययरत सोधकर्ता विद्यार्थीका लागि प्रदान गर्ने अनुसन्धान अनुदान (रिसर्च ग्रान्ट)को अन्तिम म्याद चैत मसान्त (१३ अप्रिल २०२६) सम्म थप गरेको छ।

अनुदान अन्तर्गत अर्थशास्त्र र व्यवस्थापनमा एमफिल गर्दै गरेका दुई जना विद्यार्थीलाई जनही १ लाख र व्यवस्थापन, अर्थशास्त्र, कम्प्युटर साइन्स तथा सूचना प्रविधिमा स्नातकोत्तर गर्दै आएका चार जना विद्यार्थीलाई जनही ५० हजार रकम प्रदान गरिनेछ।

अनुदानको लागि आवेदन गर्दा सम्बन्धित कलेजको सिफारिससहित बैंकमा प्रस्तावना पेश गर्नुपर्नेछ। बैंकले छनोट समितिको माध्यमबाट योग्य विद्यार्थीको छनोट गर्नेछ। छनोट भएका सोध कार्यहरू राष्ट्रिय र अन्तर्राष्ट्रिय स्तरमा प्रमाणित र मौलिक हुनुपर्ने बैंकले जनाएको छ।

बैंकका प्रमुख कार्यकारी अधिकृत दिनेश थकालीका अनुसार, यस अनुदानले विद्यार्थीलाई अनुसन्धान कार्यमा सहयोग पुर्‍याउनेछ र अध्ययनलाई प्रोत्साहित गर्नेछ।

नेपाल राष्ट्र बैंकको निर्देश अनुसार, संस्थागत सामाजिक उत्तरदायित्व अन्तर्गत यस अनुदान मार्फत विद्यार्थीलाई अनुसन्धानमा सहयोग पुग्ने व्यवस्था गरिएको बैंकले जनाएको छ।