काठमाडौं । वाणिज्य, आपूर्ति तथा उपभोक्ता संरक्षण विभागले नियमित बजार अनुगमनको क्रममा एकै दिन १३ वटा फर्मको निरीक्षण गरेको छ।

अनुगमनका क्रममा केही कमजोरी देखिएपछि विभागले दुई फर्मलाई जरिवाना गरेको छ। सिन्धु फलफूल तथा फ्रेस सेन्टर, मध्यपुर थिमीलाई २० हजार रुपैयाँ र पञ्चकन्या त्रिदेव डेरी पसल, नयाँ बानेश्वरलाई १० हजार रुपैयाँ जरिवाना गरिएको छ। यो कार्य उपभोक्ता संरक्षण ऐन, २०७५ को दफा ३८ अनुसार गरिएको हो।

अर्का ११ वटा फर्मलाई विभागले सुधारात्मक निर्देशन जारी गरेको छ। विभागले स्थानीय सरोकारवाला तथा उपभोक्ता अधिकारकर्मीको सहभागितामा नियमित रूपमा बजार अनुगमन गर्दै आएको जनाएको छ।