काठमाडौं । कामना सेवा विकास बैंक लिमिटेड ले मर्चेन्ट बैंकिङ सेवा सञ्चालन गर्ने उद्देश्यले नयाँ सहायक कम्पनी स्थापना गर्ने भएको छ। यसका लागि बैंकले आकाश क्यापिटल लिमिटेड को संस्थापक शेयर खरिद गरी उक्त कम्पनीलाई आफ्नो सहायक कम्पनीको रूपमा सञ्चालन गर्ने तयारी गरेको हो।

बैंकका अनुसार यस कार्यका लागि नेपाल राष्ट्र बैंक बाट आवश्यक स्वीकृति प्राप्त भइसकेको छ। यसअघि नै बैंक र आकाश क्यापिटलबीच संस्थापक शेयर खरिद–बिक्री सम्बन्धी सम्झौतामा हस्ताक्षर भइसकेको थियो।

अब प्रचलित धितोपत्र सम्बन्धी कानुन तथा नियामकीय व्यवस्था अनुसार नेपाल धितोपत्र बोर्ड बाट आवश्यक अनुमति तथा दर्ता प्रक्रिया पूरा गरी मर्चेन्ट बैंकिङ सेवा सञ्चालनमा ल्याइनेछ।

हाल आकाश क्यापिटल लिमिटेडको नाममा रहेको उक्त कम्पनी अब “कामना सेवा क्यापिटल लिमिटेड” नामबाट सञ्चालन हुनेछ। बैंकले यस कदमले आफ्नो सेवा विस्तार हुनुका साथै नेपालको पूँजी बजारको विकासमा सकारात्मक योगदान पुग्ने विश्वास व्यक्त गरेको छ।