काठमाडौँ । प्रभु महालक्ष्मी लाइफ इन्स्योरेन्सले आफ्ना अभिकर्ता लिडरहरूको क्षमता अभिवृद्धि गर्ने उद्देश्यले तीन दिने तालिम तथा मनोरञ्जनात्मक कार्यक्रम सम्पन्न गरेको छ।

चितवनको नारायणगढमा वैशाख ६, ७ र ८ गते आयोजना गरिएको उक्त कार्यक्रममा अभिकर्ताहरूको व्यवसायिक दक्षता विकाससँगै विभिन्न मनोरञ्जनात्मक गतिविधिहरू समेत सञ्चालन गरिएको थियो।

कार्यक्रम उद्घाटन गर्दै कम्पनीका प्रमुख कार्यकारी अधिकृत सन्तोष प्रसाईँले व्यवसायिक जीवनमा सफल अभिकर्ताहरूलाई अझ सक्षम बनाउन यस्ता क्षमता अभिवृद्धि कार्यक्रमहरू प्रभावकारी हुने बताए। उनले मनोरञ्जनले जीवनमा ऊर्जा प्रदान गर्ने भएकाले कम्पनीले ज्ञान र मनोरञ्जनलाई सँगसँगै अघि बढाउँदै आएको पनि उल्लेख गरे।