काठमाडौं । कामना सेवा विकास बैंक लिमिटेडले आर्थिक वर्ष २०८२/८३ को सञ्चित मुनाफाबाट आफ्ना शेयरधनीलाई लाभांश वितरण गर्ने प्रस्ताव गरेको छ। बैंकले यस वर्षको लाभांश घोषणा गर्ने पहिलो बैंक बनेको जनाएको छ।

बैंकको सञ्चालक समितिले साधारण शेयरधनीलाई १५ प्रतिशत नगद लाभांश (करसहित) वितरण गर्ने प्रस्ताव गरेको हो। यस्तै, अग्राधिकार शेयरधनीलाई अग्राधिकार शेयर बाँडफाँट भएको मितिदेखि २०८३ असार मसान्तसम्मको अवधिका लागि अनुपातिक रूपमा ९ प्रतिशत लाभांश प्रस्ताव गरिएको छ।

उक्त लाभांश नेपाल राष्ट्र बैंकको स्वीकृति तथा बैंकको २०औँ वार्षिक साधारणसभाबाट पारित भएपछि मात्रै शेयरधनीले प्राप्त गर्नेछन्।

गत आर्थिक वर्षमा बैंकले बोनस शेयर र नगद लाभांश गरी कुल १५.७८९५ प्रतिशत लाभांश वितरण गरेको थियो।

बैंकको २०८३ साउन २२ गते शुक्रबार बसेको सञ्चालक समितिको ४१९औँ बैठकले लाभांशसम्बन्धी प्रस्ताव पारित गरेको हो। बैठक बैंकको केन्द्रीय कार्यालयमा दिउँसो ४ बजे बसेको थियो।

बैंकका प्रमुख कार्यकारी अधिकृत दिनेश थकालीका अनुसार सञ्चालक समितिले लाभांश वितरणसम्बन्धी प्रस्ताव पारित गरेको हो।

लाभांश प्रस्ताव स्वीकृत भएमा बैंकका शेयरधनीले आर्थिक वर्ष २०८२/८३ को मुनाफाबाट प्रतिफल प्राप्त गर्नेछन्।