१९ जेठ, काठमाडौं-  आशा लघुवित्त वित्तीय संस्था लिमिटेडले एकै दिन आफ्नो १३ वटा शाखा कार्यालयहरुको कारोवार शुभारम्भ गरेको छ । स्थापना गरिएको शाखा कार्यालयहरुमा चन्द्रपुर– रौतहट, परवानीपुर–पर्सा, कोल्हवी–वारा, हरिवन–सर्लाही, बस्तीपुर–मकवानपुर, खुरखुरे–चितवन, खजुरा–बाँके, मैनापोखर–बर्दिया, गुलरिया–बर्दिया, राजापुर–बर्दिया, बौनिया–कैलाली, बिर्घा–स्याङजा, हेम्जा–कास्की रहेका छन् ।

सो कार्यक्रमहरुमा बैंक तथा वित्तीय संस्थाका प्रतिनिधि, प्रहरी, शिक्षक, समाजसेवी, स्थानिय, संस्थाका महिला सदस्यहरुको उपस्थिती रहेको थियो ।

यस राष्ट्रिय स्तरको वित्तिय संस्थाले न्यून आय भएका तथा बिपन्न वर्गका महिलाहरुलाई विभिन्न आयआर्जनको व्यवसाय सञ्चालन गर्न उनीहरुको घरदैलोमा लघुवित्त सेवा पुयाउँदैआएको छ ।

देशमा रहेको गरिबीलाई लघुवित्तीय सेवाको माध्यमबाट आय वृद्धिमुलक व्यवसाय सञ्चालन गर्न लघुवित्त सेवा उपलब्ध गराउन र सदस्यहरुलाई उद्यमशिल बनाई उनीहरुको सामाजिक तथा आर्थिक स्तर वृद्धि गर्नको लागी यो संस्थाले शाखा बिस्तार गरेको उल्लेख गरेको छ ।
हाल, संस्थाको ७ हजार २ सय ७२ सदस्य, कर्जा लगानी ३० करोड ३९ लाख ४४ हजार रहेको छ । संस्थाको कुल शाखा २८ वटा पुगेको छ । साथै, संस्थाको पाल्पा, धादिङ्ग, झापा, मोरङ्ग, सुनसरी, ईलाम, रुपन्देही तथा अन्य स्थानहरुमा पनि छिटै शाखाहरु विस्तार गर्ने योजना रहेको छ ।