काठमाडौं । विश्व महामारीको रुपमा फेलिएको कोरोना भाइरसको संक्रमण न्यूनिकरण गर्न गरिएको निशेधाज्ञापछि काठमाडौं आवतजावत गर्नेहरुको संख्या निकै बढेको छ । ५ महिनाको देशव्यापी लकडाउन र काठमाडौंमा करिब एक महिना भएको निषेधाज्ञा साउन ३१ गतेदेखि हटेको थियो ।

काठमाडौं जिल्ला प्रशासनले भदौ ३१ गतेदेखि निषेधाज्ञा हटाएसँगै काठमाडौं आवजावत गर्नेहरुको संख्या निकै बढेको तथ्यांले देखाएको छ । महानगरिय ट्राफिक महाशाखाकाको तथ्यांक निषेधाज्ञा खुलेपछि असोज १७ गतेसम्म काठमाडौं उपत्यकामा विभिन्न नाकाहरुबाट ३ लाख ५८ हजार ४ सय जनाले प्रवेश गरेका छन् । यस्तै काठमाडौं उपत्यकाबाट बाहिर जानेहरुको संख्या भने ३ लाख ६१ हजार २ सय ८८ जना रहेका छन् ।

काठमाडौं प्रवेश गर्ने र काठमाडौंबाट बाहिर जानेहरुको संख्या लगभग एउटै छ । काठमाडौं प्रवेशभन्दा काठमाडौं बाहिर जानेहरुको संख्या २ हजार ८ सय ८८ ले मात्र बढी छ । महाशाखा सूचना अधिकारी रामेश्वरप्रसाद यादवले पछिल्लो समय काठमाडौंबाट बाहिरिनेभन्दा पनि भित्रिने संख्या बढी रहेको बताए ।

उनका अनुसार ९४ हजार ९ सय ७७ गाडीले काठमाडौं प्रवेश गरेको र ९४ हजार ७ सय ४५ गाडी बाहिर गएको उनले बताए । उनले आवतजावत गर्नेहरुले स्वास्थ्य सुरक्षा नअपनाएको पाइएमा ट्राफिक प्रहरीले कारबाही पनि गर्दै आएको बताए ।

भदौ २४रर२५ गतेदेखि हालसम्म २२ हजार ६ सय २१ वटा गाडीलाई कारबाही गरिएको उनले बताए । जसमा १७ हजार ९६ दुई पाँग्रे र ४ हजार ६ सय ४४ चार पाँग्रे भएको उनको भनाई छ ।

मंगलबारदेखि यात्रु हेल्प डेस्क राखिने

उनका अनुसारर मंगलबारदेखि काठमाडौं उपत्यकाका विभिन्न ठाउँमा यात्रु हेल्प डेस्क राखिने भएको छ । दशैंमा उपत्यका आवतजावत गर्नेहरुका लागि पर्सिदेखि यात्रु हेल्प डेस्क राखिने उनले बताए ।

उनले काठमाडौंका विभिन्न स्थान बसपार्क, कालीमाटी, कलंकी, नागढुङ्गा, कोटेश्वर, गौशाला लगायत १०र१२ ठाउँमा हेल्प डेस्क राखिने बताए ।

दशैं तिहार लक्षित गरी हेल्प डेक्स स्थापना हुने उनको भनाइ छ । ‘दशैँ र तिहार पर्वलाई लक्षित गरी यत्रुलाई आवातजावत गर्दा अनावश्यक दुःख, कष्ट, समस्या नहोस् भननेर र स्वास्थय सुरक्षा मापपदण्ड पालना गर नगरेको निगरानी गर्न भनेर हेल्प डेस्क स्थापना गरिन लागिएको हो उनले बताए ।