काठमाडौं । सनराइज बैंकको नायव प्रमुख कार्यकारी अधिकृत ९डेपुटी सीईओ० मा आरती राज्यलक्ष्मी राणा नियुक्त भएकी छिन् । बैंकको डेपुटी जनरल म्यानेजर९डीजीएम० पदमा रहेकी राणालाई माघ २५ गते बसेको कम्पनी सञ्चालक समितिको बैठकले डेपुटी सीईओ पदमा नियुक्त गरेको हो ।

विगत १८ वर्षदेखि नेपाली बैंकिङ्ग क्षेत्रमा कार्यरत रहेकी राणा गत २०७६ असोजमा सनराइज बैंकमा डीजीएमको पदमा आवद्ध भएकी थिइन् । उनले मार्केटिंग, रिटेल बैंकिङ्ग, शाखा प्रबन्धन, कर्पोरेट लेन्डिङ्ग र पूर्वाधार परियोजनादेखि लिएर बैंकिङ्गका विविध क्षेत्रमा विभिन्न जिम्मेवारी सम्हालेकी थिइन् ।

त्यसअघि उनी ग्लोबल आईएमई बैंकमा सहायक महाप्रबन्धकको रूपमा कार्यरत थिइन् । जहाँ उनले कर्पोरेट, पूर्वाधार र परियोजना वित्त, ल्याबिलिटी मार्केटिंग र व्यवसाय प्रवर्धन, शाखाविहीन बैंकिङ्ग, डिजिटल बैंकिङ्ग, कार्ड र रेमिट्यान्स जस्ता विभिन्न विभागको जिम्मेवारी सम्हालेकी थिइन् । बैंकर राणाले २००३ सालदेखि एभरेष्ट बैंकमा व्यवस्थापन प्रशिक्षार्थीको रूपमा बैंकिङ्ग क्यारियर शुरू गरेकी हुन् ।