काठमाडौं । ग्लोबल आईएमई क्यापिटलले अनलाईन बाहेकका कुनै पनि सेवा प्रदान गर्न नसक्ने बताएको छ । कर्मचारीहरुमा कारोना पोजेटिभ देखिएपछि क्यापिटलले बुधबार एक सूचना जारी गर्दै अनलाईनबाहेकका सेवा दिन नसकिने जानकारी गराएको हो ।

यससँगै घरमै बसी लिन तथा दिन सकिने सेवा सम्बन्धी कार्य मा गर्नको लागि क्यापिटलले आग्रह गरेको छ । भौतिक रुपमा उपस्थित भई गर्नुपर्ने कार्य गर्ने तथा सो मा यस कम्पनीको समेत भौतिक रुपमा संलग्नता हुनुपर्ने कार्य गरेमा सो को जिम्मेवारी ग्राहक आफैले लिनुपर्ने समेत क्यापिटलले सूचनामार्फत जानकारी गराएको छ ।