हाइड्रोइलेक्ट्रीसिटी इन्भेष्टमेन्ट एण्ड डेभलपमेन्ट कम्पनी ९एचआइडीसीएल०को साढे ३ करोड कित्ता सेयर लिलामीमा आउने भएको छ ।

कम्पनीले हकप्रदमा नबिकेको ३ करोड ६२ लाख २९ हजार ७२४ कित्ता सेयर अब लिलामीमाआउने भएको हो । कम्पनीले साउन ५ गतेदेखि भदौ ८ गतेसम्म हाल कायम चुक्ता पूँजीको १ः१ अनुपातमा ११ अर्ब रुपैयाँ बराबरको ११ करोड कित्ता हकप्रद सेयर विक्रीम ल्याएको थियो ।

सोमध्ये ७ करोड ३७ लाख ७० हजार २७६ कित्ता सेयर मात्र विक्री भएको छ । कम्पनीको हकप्रदमा रीतपूर्वक आवेदन दिने १ लाख ९६ हजार ४२४ जनालाई उक्त सेयर बाँडफाँट गरिएको क्यापिटलले जनाएको छ ।

क्यापिटलले हकप्रद सेयर नपरेको आवेदकको हकमा भदौ ३१ गते बिहीबारदेखि पैसा फिर्ता गर्ने जनाएको छ । कनेक्ट आइपीएस मार्फत आवेदकको खातामा नै पैसा पठाइने प्रबन्धक ग्लोबल आइएमई क्यापिटले जनाएको छ ।

त्यस्तै राप्ती हाइड्रो एन्ड जनरल कन्स्ट्रक्सनको २९ करोड ४१ लाख ४१ हजार रुपैयाँ बराबरको आईपीओ निष्कासनको तयारी भैरहेको छ । कम्पनीले धितोपत्र बोर्डसँग २९ करोड ४१ लाख ४१ हजार रुपैयाँ बराबरको २९ लाख ४१ हजार ४ सय १० कित्ता आईपीओ निष्कासनको लागि अनुमति मागेको हो ।

धितोपत्र बोर्डबाट अनुमति पाएमा यो कम्पनीले स्थानीय र सर्वसाधारणका लागि १०० रुपैयाँ अंकित दरका कुल २९ लाख ४१ हजार ४१० कित्ता आईपीओ निष्कासन गर्नेछ। राप्ती हाइड्रोको आईपीओ निष्कासन तथा बिक्री प्रबन्धकमा मुक्तिनाथ क्यापिटल लिमिटेड रहेको छ।