ललितपुर महानगरमा झन्डै दोब्बर मतले चिरिबाबुको अग्रता, उपमेयरमा एमालेकी मञ्जली अगाडि
Wednesday May 18, 2022
वि.सं.२०७९ जेठ ४ बुधवार ०९:१२
काठमाडौं। ललितपुर महानगरको मेयर पदमा मतगणना जारी छ। मेयरमा कांग्रेसका चिरिबाबु महर्जनले एमालेका हरिकृष्ण ब्यञ्जनकारको भन्दा दोब्बर मतले अग्रता लिइरहेका छन्।
बुधवार बिहानसम्म महर्जनले ११ हजार ९२० पाउँदा एमालेका ब्यञ्जनकारले ५ हजार ५७० मत पाएका छन्। २१ हजार ४२७ मत गणना हुँदा उपमेयरमा भने एमालेकी मञ्जली शाक्यले अग्रता कायम जारी राखेकी छिन्।
उनले ५ हजार ९८३ मत पाउँदा गठबन्धनबाट उम्मेदवार रहेका माओवादीका बाबुराजा महर्जनले ४ हजार ५६६ मत पाएका छन्।




























