काठमाडौ ।  अख्तियार दुरूपयोग अनुसन्धान आयोगको टोलीले सरकारी वकिल कोषहरि निरौलालार्इ ८० हजार रूपैयाँ घुससहित पक्राउ गरेको छ।

आयोगको टोलीले जिल्ला सरकारी वकिल कार्यालयका प्रमुख न्यायाधीवक्ता निरौलालार्इ सेवाग्राहीसँग मुद्दा मिलाइदिने भन्दै रकम लिदैंगर्दा रंगेहात पक्राउ गरेको हो। उनले ठगी मुद्दा मिलाइदिने भन्दै ८० हजार रूपैयाँ घुस लिएका थिए।

आयोग प्रवक्ता सहसचिव रामेश्वर दंगालका अनुसार घुसहित नियन्त्रणमा लिएको पुष्टि गरे। निरौलालार्इ हिरासतमा राखेर थप अनुसन्धान गरिने बताए।
आयोगका अनुसार जिल्ला सरकारी वकिल कार्यालयले चलाएको ठगी मुद्दामा प्रतिवादी रहेकी एक महिलालार्इ उन्मुक्ति दिने भन्दै निरौलाले घुस रकम माग गरेका थिए। आयोगको केन्द्रीय कार्यालय टंगालबाट खटिएको टोलीले मंगलबार कार्यालय खुल्नासाथ घुस लिइरहेको अवस्थामा निरौलालार्इ पक्राउ गरेको हो।