निरंजन साह, जनकपुरधाम । प्रदेश नम्बर दुई को अस्थायी राजधानी जनकपुरमा विराट सन्त सम्मेलनको आयोजना गर्ने भएको छ । विश्व हिन्दू परिषद्ले सनातन हिन्दू धर्म रक्षार्थ तथा समाज जागरणको लागि जनकपुरमा विराट सन्त सम्मेलनको आयोजना गर्ने भएको छ ।

परिषद्का महासचिव जीतेन्द्र कुमार सिंहले जनकपुरको गोपाल धर्मशालाबाट प्रभात फेरी निस्किने र नगरको प्रमुख मार्ग परिक्रमा गरेर जानकी नगरस्थित पतञ्जली योग शिविरमा गएर धर्मसभामा परिणत हुने जानकारी दिएका छन ।

बिहान ११ बजेदेखि योग शिविरमा धर्मसभा हुने र सभामा सहभागिताको लागि ८ जिल्लाका दुर्इ हजारभन्दा बढी सन्त महन्थहरुको भेला हुने विश्वास दिलाएको हो । सभा समाप्तिपछि शनिबार ३ बजे मौनी बाबाको आश्रम दुधमती दर्शन र भण्डारा गरी कार्यक्रम समापन हुने महासचिव सिंहले जनाएको हो । बताउदै सभा सहभागीलागि संत र साधु आउने क्रम सुरु भई सकेको पनि सिंहले पत्रकार सम्मेलनमा प्रस्ट पारेका छन ।