काठमाडौं । नेपालको सबैभन्दा ठूलो रेमिट्यान्स कम्पनी आइएमई लिमिटेडले सर्वसाधारणका लागि प्राथमिक सेयर निष्कासन गर्ने भएको छ।

कम्पनीले आइपीओ जारी गर्ने विशेष प्रस्तावसहित आगामी २२ औं साधारण सभा डाकेको छ। सभा आउँदो मंसिर १६ गते लाजिम्पाटको होटल ले हिमालयमा हुँदैछ।

कम्पनीले ९ करोड रुपैयाँ बराबरको आइपीओ निष्कासन गर्ने आइएमई ग्रुपका प्रमुख वित्त अधिकृत दीपक शर्माले बताए। उनका अनुसार कम्पनीको जारी पुँजी ९० करोड रुपैयाँ छ। ‘यसको १० प्रतिशत आइपिओ निष्कासन गर्ने योजना हो,’। शर्माले बताए।

कम्पनीले आधारभूत सेयरधनीलाई बोनस सेयर वितरण गरी चुक्ता पुँजी वृद्धि गर्ने तयारीमा पनि छ। बोनस सेयर वितरणको विशेष प्रस्ताव पनि सभाले पारित गर्दैछ।