काठमाडौं । नेकपा एमालेका अध्यक्ष केपि शर्मा ओलीले १० दलीय गठबन्धनको व्यङग्य गर्दै गठबन्धन १० ओटा टाउको भएको रावण जस्तै भएको बताएका छन् ।

मंगलबार च्यासलमा आयोजित कार्यक्रमलाई सम्बोधन गर्दै उनले अहिले १० दलीय गठबन्धनका नेताहरुले महिलाको अधिकार खोस्न निर्वाचन आयोगलाई प्रयोग गरेको आरोप लगाएका छन् ।

उनले भने ‘१० दलीय गठबन्धनको १० ओटा टाउको एकै ठाउँ जम्मा भएको छ १० वटा टाउको रावणको हुन्छ । अहिलेको रावण महिलाका हक अधिकार हनन् गर्न लागि परेको छन् । ’

उनले ‘राष्ट्रपति र उपराष्ट्रपतिमा एक जना महिला हुनु पर्छ भन्ने संविधानको भावनालाई अहिले १० दलिय गठबन्धनका नेताहरुले मिच्ने र महिलाको अधिकार खोस्न निर्वाचन आयोगलाई प्रयोग गरेको आरोप लगाएका हुन् ।

उनले भने ‘राष्ट्रपति र उपराष्ट्रपतिमा एक जना महिला हुनु पर्छ संविधानको भावना त्यहि हो । अहिले १० दलिय गठबन्धनका नेताहरु संविधानको त्यो मर्म मिच्न ,महिलाको अधिकार खोस्न निर्वाचन आयोगलाई प्रयोग गरीसके अरु संथाहरुलाई पनि प्रयोग गर्न सक्छन् । ’

उनले एमालेबाट उपराष्ट्रपति उम्मेदवार अष्ट लक्षमी शाह एमाले पार्टीको मात्र नभएर देश र राष्ट्रको लागि भएको बताए ।